今年先岩岩半年
已經第5個SKE member卒業啦
對於ともにゃん我又唔算太有愛既
不過以佢既歌唱力,我覺得其實都有得做
可惜呀
佢都仲後生,又幾可愛
SKE算係又流失一個實力份子

但係今年正式member走第4個
已經同第一年平頭了
而且走既都唔係d冇實力果班
今年走既小野晴香,山田惠里伽,若林倫香都絕非二打六材料
比起真係痛既第一年得高井つき奈
第二年就兩個都痛既新海里奈,森紗雪
第三年最痛既Team E中村優花,仲有松下唯
今年真係三個都痛(今年我最痛係今出舞呀)

卒業潮睇黎係一發不可收拾

正規member卒業黎講
AKB好多時走既都係推唔上或者走下坡
反而SKE就成日痛失良將
其實同各自成員既構成有d關係
SKE最大特點係成員通常比較高學歷
大學生比較多
而另外SKE屋企比較有錢既成員亦都係較多
造就成SKE好多時只係為左一圓夢想
因為後生又有錢既(今次既若林倫香)
其實佢有屋企供佢讀書既出路其實更好更自由
而大學生member其實佢地唔做idol亦都唔愁冇出路
令到SKE好多時都好玩票性質
呢個情況其實KII好明顯
而亦都係呢個情況既出現
先會有KII呢Team咁各有獨特性既一Team出現

SKE既獨特性好高
如果鍾意開AKB既個性團體感覺
其實SKE俾到你個感覺會更加強烈
轉推SKE,我等你呀!