今日開始
因為襲擊事件而封閉既公演頭行解封啦


根據消息係多返23個位
不過對於唔係抽普通位既唔係好大影響
因為特別席係冇係措施實施期間減過
所以呢23席加返都係俾返普通位既

不過同時
措施實施期間
遠方席由第4行移去第3行
由今日開始係會變返去第4行既
之前遠方席係好正
唔駛爭
輕鬆座第2行
(*因為第一行冇左)
不過其實分別都不大
第4行
已經係好震撼啦

今次解禁
算係恢復原本既第2步
(*第一步係握手會重開)
而家爭既只係公演之後既high touch
照咁一步步恢復既進度睇
其實都唔駛太擔心之後既握手會又再延期啦 

尋日SKE官方channel出左special cut既c/w歌PV
今日就睇晒佢
順便睇下到時聽邊首歌

 
Team S每次既歌都好有勁度
今次都唔例外
雖然Team S既成員已經好唔SKE
不過首歌都仲keep到好SKE
真係唔錯

 
KII今次個PV好正
首歌亦都唔錯
我幾鍾意呢類歌
應該可以順利入到我iPod playlist

 
Team E呢首就比較冇特色
但係個歌名
令我諗起
呢首歌其實係咪俾返Team S唱適合少少

 
3個傻人
出黎呢個PV真係好傻
好似好好玩

暫時我既喜好係KII>S>3傻>E
但係有時歌都係要慢慢煲下
味道先至出黎既 

呢排少左睇公演
一來時間少左
二黎有時趕唔切返黎搵直播睇
如果唔係好特別
都係不了了之
之後連down都懶
所以好多公演既事
都係睇返當日成員既blog
之後先決定睇唔睇
反而睇blog多左

於是
先至發現左呢件睇live都唔會好覺眼既事

尋日E公演係半馬尾公演
E公演黎講
就係有全宇宙最可愛既兩位成員

尋日つうちゃん流水素面幾好睇
得閒我再講

之後須田就自爆左公演上面發生左件事
就係佢隻手套俾件衫勾住左

呢一後cap圖
最尾其實都係未解困
隻手就勾住件衫咁跳落去
之後唔知係鏡頭換得好
定係佢真係咁快手
冇乜穿崩既情況
佢除左隻手套了

雖然係小事
但係應變講既唔係佢除手套
而家佢係勾住左果野嚇左嚇之後
配合返舞蹈既表情
半秒鐘就出返黎 
而之後勾住手跳埋落去
我就覺得係professional應有既態度
都冇乜真係好值得欣賞既地方
反而如果佢亂左就真係唔掂啦

須田果然
雖然好多人都唔同意
但係佢最好既都係佢表情既表達 

大家有追開我blog既
應該知道我早幾個月起過一個念頭
就係AKB既生寫日可以集合到咁多AKB既飯聚首一堂
先不論換生寫換得成唔成功
同其他飯交流本身就係一件難得既事
而SKE日本方面其實都有random生寫
於是諗起
可唔可以由我做主動
係日本訂SKE生寫返黎
俾各位一個機會交流
其實我之後初部計過
其實返25-30包都應該消化得晒
問題係
點樣將個圈子擴大
吸引更多同我冇linkage既飯呢
因為呢個問題
加上小弟自幼家貧
並唔係好似各位米霸米皇米后米帝米神咁
實在唔想將二千幾蚊既風險負上
去為左一個未必能夠成功既計劃
加上近期工作比較繁忙
於是計劃就不了了之

但係今日
官店為我地完成左呢個夢想
係今個星期六日
係SKE日本版既生寫日呀!!!!!!!!!!!!!
各位SKE既飯千祈唔好錯過呢個機會
我地鍾意玩生寫既
唔駛寄於AKB籬下
嗌餐死
就係為左係AKB兼任既兩個SKE成員古畑同小珠
我地可以挻起胸膛
問有冇人放姉さん,モコ,西哥甚至係水牛
雖然唔知又會唔會俾炒家壟斷
但係今次係SKE既第一次
點都要捧下場啦

仲記得官店開左冇幾耐
就開始放風話會放SKE既商品
果陣我連呢個blog都未開始寫
到近半年
真係長期有SKE商品賣
到今日宣佈賣SKE既生寫
我希望我係寫呢個blog度不忘初心
係為左比更多香港飯接觸SKE(*主要始終都唔係須田)
SKE係我既人生度改變左我幾多
可能呢個問題好沉重
但係都的確係有
我學日文其實唔係為左AKB
只係大學畢左業
唔讀返d野好似身痕咁
就搵左叫做有d興趣既日文讀
由我開始寫blog時
乜野能力試都未考
仲係日文初哥
到今日衝擊完N2冇幾耐
同大老細係公司用日文溝通
真係多謝AKB/SKE提起我既興趣
令我日日接觸日文
我開始寫呢個blog時
仲係一個係中環返工既小薯仔
當時想唔撈
除左眼見同輩入左政府人工勁高
我自己死都唔肯做政府工,又唔肯認輸
當時心諗
我又唔想返工
又好想去見下SKE
就一野鼓起勇氣
錢都唔儲就劈炮唔撈買左張去日本既單程機票就出發
為既就係去下握手會
同埋搏下抽公演(*咁都俾我成功左)
去完之後
我人生既目標係清晰左好多
怒拒一個30歲人工30K既機會
入左黎而家呢間做
起碼叫自己有一team人
有幾個小薯仔會傻傻下叫我做老細
而且30歲30K呢個香港人人生意義都應該達到到(*我未到30歲ga)
雖然一隊偶像團體冇可能做到一個人既人生主軸
但係佢既影響力,總係有少少 

可能大家都見到我近期寫得hea左
因為實在多左野做
返到屋企
雖然夜
但係諗起我呢個blog其實都有唔少長期支持者
雖然唔出聲,但係數字上我係見到你地的
就算hea下
都總想出一篇分享下

其實初心黎講
我最初都有一個少少既私心
就係想有人見到須田果陣會諗起我
但係而家
我會想倒返轉
希望大家見到我時就會諗起須田

令佢個勁爆既笑容係大家腦入面縈繞不散

 

我就最鍾意期間限定ga la
對於期間限定果四隻字
我真係完全冇抵抗力
所以今次又係把握時間去名古屋啦


 
先奇
我從來做人既宗旨就係唔會自己嚇自己
更加唔會俾錢人去嚇自己

不過間鬼屋咁方便
而且仲係今集SKE學園既拍攝地
成為左SKE聖地
咁就值得一去啦呱



傻啦
我重申多次
除左鬼屋入面隻鬼係SKE成員之外
我係唔會自己嚇自己ga