愛の一本釣り

2017年01月

呢本都好過冇

雖然呢本野次次都係搵idol做封面
仲要搵得幾偏,唔係一定搵top
好似之前08都有上過
佢搵既封面都幾岩飯口味ga
所以佢搵得さーなん
都證明佢係飯既角度都係好有吸引力既
350d6b6e

唔......
的確さーなん係乜野look都係好可愛既
7715d5de
我仲記得08果陣
個感覺就係好似真係會射死你既感覺
さーなん
可能笑笑口
係你沉浸係幸福既瞬間果陣先射死你 

めち重擊

呢排見佢冇乜野
而且近年佢都幾有存在感
冇諗到佢今年高3
真係大意
C3A0L3lVEAEadSs
めち真係有d痛
年初仲叫人楽しむ
C19lH6_UQAAnuQl
而家邊度黎開心呀

めち係果種慢慢滲吸引力出黎既類型
相信我都講過
呢種type真係好keep到對佢既愛
令人一路慢慢都會keep住睇佢
唔會係一野好sharp之後會好少睇
佢唔會好突出
因為佢吸引力係出得好慢
但係應該唔會有人唔鍾意既type
其實我最鍾意係佢既メンヘラ屬性
真係........好難搵啦
メンヘラ既人又點會做idol呀

不過除左有少少突然之外
對於佢入到佢鍾意既大學
專心去讀書
呢樣野大家都知我係好支持既

今次唔係佢心痛
係我有少少心痛呀 

碟不對題

呢個陣容
點解會係革命の丘
38ada77d

首先就係革命何來
選拔成員回到從前既感覺
我都唔知幾耐冇見過須田做top 3啦
今次難得做返top 3同小鳥一齊企兩邊
反而唔係革命感覺
係有種懷舊既感覺
而且直頭冇新選拔
不過其實album既選拔應該好多人都唔會睇

但係丘呢?
睇過邊度有丘呀
c1687c14
咁大把
真係多謝晒喎

黎啦
叫返做古の平野算啦
8eef9050-s
 

本店既request

我基本上完全冇理
但係個統計出左之後
見到最多既反應係
"原來SKE都有17首咁多"

早兩日開緊結果
有人都出post話
明明NMB,HKT果邊好熱烈討論緊
SKE個post都仲係好和平咁討論緊ゆなな
感覺SKE係完全冇理過
9e6cc84b
世界係幾咁和平

其實心水清既都知
SKE有自己既request hour
做乜要走去同你本店爭
爭完啦
又要原唱者主義
バラの儀式而家係Team E SKE Festival公演無錯呀
又要俾人話點解係SKE唱
真係完全唔想走埋去同本店爭啦
有排名又點
原唱者主義下
支店唱左又嘈
跟住又要嘈點解唔整個個別request hour
搞到支店歌搶晒上位
呢個我真係認同呀
你睇SKE有request hour之後根本冇理過你
搞返個NMB/HKT request hour應該佢兩團都唔睬你本店ga la

至於點解有人搞到第3位咁過份
呢野真係要同SKE劃清界線
真係,唔關SKE事 

旅行回顧

其實我唔係好鍾意寫遊記既人
因為我表達唔到當地有幾靚
而今次呢個回顧
唔係講我岩岩呢次既旅行
而係想講下咁耐以黎去日本既事
而今日出既原因
係因為我7年前既今日第一次去日本
24
當年岩岩出黎做野半年
儲左少少錢
第一個想去既目的地就係由細到大都好憧憬既東京

我由細到大都睇好多日本野
果陣日劇,漫畫當然
仲有迷H!P同iM@s
第一次去之前
我就報左讀日文但係未開始學
所以係完全唔識日文既情況下去
所以唔識日文情況下去日本既感覺
其實我都試過

當年完全未有LCC呢回事
而且果時日圓係上升緊既年代
大概8.5算咁上下
去日本亦都未成潮流
所以去果陣全國都係得札幌,東京,名古屋,大阪
全部加埋,3間公司(NH,JL,CX)先得8對往返班次揀
所以其實果陣去日本真係好貴
但係就係因為貴
所以少人去
係一個去日本真係享受到日本既服務既年代
因為各方面都真係好享受
之後果幾年
我就成為左淨係去日本同台灣既人士啦

我去日本其實主要係睇風景
但係因為08年咁上下開始睇48G
對佢可以見得到呢個idea有興趣
加上11年果陣我開始淨推SKE咁滯
所以令我想去朝一下聖
11年既SUNSHINE SAKAE
_DSC0013
亦都係接近既原因
我由轉左全力推SKE之後先開始去日本握手會
所以我咁耐以黎淨係同過SKE成員握手
我11年第一次去SKE既握手會果陣
成員對於有外國人黎日本去同佢握手
個反應係真係好驚訝
因為當年,我真係可以係全場逗留左成日,一句廣東話國語都未聽過
基本上只係日本人參與
果種氣氛同近年係有d唔同
就係11年第一次去過名古屋之後
我就好鍾意
到而家,我都係會每年去一次名古屋
當然及後我有參加過公演同concert呢d應該提過啦

呢7年
我去左日本15次
即係平均每年兩次多dd
15次入面
8次東京落機
4次關空
1次中部
1次宮崎
1次那霸

點解我要做個回顧
就係因為呢7年既時間
我由初初想去齊d三景/三大社之類
到最後我已經去齊晒47個都道府縣
最後一站係山形縣
47
唔知係咪所有飯既心態都係去日本淨係為左毒活
但係我覺我日本真係一個好靚既地方
我見過既風土人情,四時景色
比起我最推既成員更吸引
當中旅途中我會好享受同當地人傾下計
試過係民宿同人劈酒飲天光
試過係山頂度識人之後約埋一齊同佢既朋友食飯
試過係荒山野嶺浸完溫泉諗住行返大半個鐘去車站,有一班伯伯話車埋我地去車站 
試過兩個人住晒成間溫泉旅館,館主話反正冇人一齊食飯 
試過係雪山度行果陣有婆婆教我點樣係雪地行仲一齊行到終點
仲有試過俾當地電視台訪問
每次去都見到好多唔同既人
每次去都係好新既體驗
有試過個個都想去既春天
_3261406
有極度明朗既夏天
DSC02286a
滿山紅葉既秋天當然吸引
_DSC3471
雖然好凍,但係冬天既雪景又係唔可以錯過
DSC00920
基本上要去既時節
要去既地方都已經去左好大部份
當然仲有d地方係未去亦想去既
但係去齊晒47個都道府縣之後
都開始有個感覺冇乜動力去啦

但係呢個回顧
我係想鼓勵大家想去就去
而且仲要去多d唔同既地方
下面係我去左47個都道府縣既大概overview
可以作為想去晒47個都道府縣但係又冇乜idea某d縣有乜睇既參考
地區地方
北海道北海道函館、小樽、札幌
東北青森県青森市、十和田、五能、白神、蕪島、種差海岸
東北岩手県盛岡市
東北宮城県仙台市、松島
東北秋田県秋田市、男鹿市、田沢湖、角館
東北山形県鶴岡、加茂、米沢
東北福島県会津若松、いわき
関東茨城県水戸市、大洗町
関東栃木県宇都宮市、日光市、那須
関東群馬県草津温泉、前橋市
関東埼玉県川越市、大宮
関東千葉県幕張、成田山
関東東京都都内
関東神奈川県横浜市、鎌倉市、藤沢市、箱根
北陸新潟県新潟、寺泊
北陸富山県富山、長岡、雨晴、宇奈月、五箇山
北陸石川県金沢市
北陸福井県敦賀
中部山梨県河口湖、青木原
中部長野県軽井沢、妻籠馬籠、松本、姨捨
中部岐阜県高山市、白川郷、岐阜市
中部静岡県沼津、大井川、三保
中部愛知県名古屋市、安城市、犬山、羽豆岬、伊良湖
近畿三重県上野市、松阪、鳥羽、伊勢、賢島、横山
近畿滋賀県琵琶湖、長浜、彥根
近畿京都府京都市内、天橋立、舞鶴、宇治
近畿大阪府市内
近畿兵庫県姫路市、神戸市、竹田城
近畿奈良県奈良市、橿原
近畿和歌山県和歌山市、新宮市、串本
山陰鳥取県米子市、境港
山陰島根県出雲、松江、宍道湖
中国岡山県岡山市、倉敷市、宇野
中国広島県広島市、宮島、大久野島
中国山口県下関市
四国徳島県徳島市、鳴門市、剣山国定公園
四国香川県高松市、琴平町、女木島、小豆島
四国愛媛県松山市、宇和島市
四国高知県高知市、四万十市
九州福岡県福岡市、北九州市
九州佐賀県唐津
九州長崎県長崎、佐世保
九州熊本県熊本市、三角、天草、阿蘇
九州大分県大分市、別府市
九州宮崎県日南、青島
九州鹿児島県鹿児島市、桜島、指宿
沖縄沖縄県本島

記住去多d啦

HK 48G Blogger FEED
 
 
 
 
 
 
 
 
プロフィール

fatho

My Telegram:
https://t.me/fatho0

Instagram始まった
https://www.instagram.com/fathocom

メッセージ

名前
メール
本文
  • ライブドアブログ