一月生寫日報告 : 魚

係開始前分享返件小事
今日係office上高登果陣驚見自己條blog link
由於我係office唔敢login既關係
而個reply又已經沉左底
我係度答你啦
BBQ果段野講緊
佢睇左youtube既直播,之後都有睇到好多唔同成員既記事
佢自己既觀點,諗法同感覺都同各成員唔同
就係咁既意思啦
因為我比較懶譯做中文
如果各位讀者唔識日文既可能比較難理解
唔好意思
BTW,我咁耐都冇係高登既AKB post度出現過,唔駛諗我係邊個啦

好,入正題
呢排大家都好關心人品
因為人品似乎直接影響係生寫日爆到包乜野
我呢排做乜野都陰陰濕濕咁
人品應該唔係太好
我抱住個中兩包伏K既心情去爆點知,又唔錯中左兩包B
轉左新制之後,A同B都算係咁啦,總之唔好中K就得
但係,原來開B都可能只係好普通
第一包:石田,梅田,小森,蘭蘭,同埋5蚊refund

第二包:雷娘,れ,陽菜,野中,名取

其實都冇諗住又收安奈
因為上次齊左安奈set之後俾大班齊唔到安奈既人士仇視
但係一爆果陣見友人有張安奈
咁就俾左張雷娘佢拎返張安奈
之後一行到去入口,有人主動黎問我係咪要安奈
就用加藤玲奈換左
既然天意如此,我就嗌收安奈啦
冇一分鐘,幾秒ja
就有人拎住安奈埋黎,仲要兩張岩pose
於是忍痛俾左張蘭蘭佢
我諗由爆到齊冇5分鐘呀

於是我就又向住雙石田進發
呢個時候上個月我對佢好好位朋友我見佢係度收石田
(事故重溫:http://fatho-ske.doorblog.jp/archives/22001820.html)
我問佢做乜同我爭女呀
佢原來謀住我張陽菜
最後佢仲成功搵齊左
我好難決定,因為我冇可能陽菜換兩張石田
但係,又唔可以辜負人地幫我搵既努力
我當自己儲人品啦,張陽菜就俾佢騎劫走左啦
換黎既係兩張石田+三張伊豆田

伊豆田真係個個都拎哂頭
我出哂牙力
最後3張伊豆田都俾我散左貨
換黎3張小林茉里奈
佢其實都唔錯
於是就齊埋佢啦

今個月就係呢3set了
至於散牌就淨兩張

冇錯,唔解我咁心痛張陽菜,就係因為果陣我石田已經3缺1
所以我多左張出黎,又唔捨得換走佢
之後有人問你要咁多張石田做乜
咁推既成員唔會嫌多ga ma
以上就係星期六既結果啦

至於星期日我都有去
因為要睇下地攤有乜好野買
順手因為星期六講過去推返小林茉里奈同名取稚菜去返正常價位
咁就去宣傳下佢兩個啦
至於成唔成功我都唔知,起碼到最後伏換伏既時間佢兩個都算多人收
買野方面,我今次覺得貴,但係我都高價入左手
下面兩張都係30蚊