各位平時見我睇日文都算睇得明
係咪認為我既日文去到唔錯既level呢?
其實
我岩岩上年底先第一次考日本語能力試
仲要係非常低level既N4
老師仲話,其實都未教哂N4既野既
不過你試下啦,你應該一定合格既

由於今日出結果
個成績係幾唔錯的
所以俾我哂下命啦
n4_passed
我由開始讀到考果日大概用左兩年半時間
一開始想讀真係純出於興趣
報左名讀之後係開始讀之前先第一次去日本
去完更加覺得自己應該對日文好有興趣
而家黎睇得呢個blog既朋友
未必對日文好有興趣
但係至少一定對48G有興趣
我想講,如果你識埋日文你會更加享受

至於值唔值得投資時間落去讀
真係好個人
我既經驗係,學日文同個人去日本既興趣係相輔相承
因為有興趣->睇多左->日文根基好左->平時睇既明多左->更有興趣去睇

至於我學完呢兩年半
我可以做到d乜野,俾大家參考下:
睇2ch,只要係非新聞類,閒聊類果種唔駛譯都明,咁就唔駛等中譯二手消息
上2ch只要唔好長篇大論,簡單一兩句的話冇人知你唔係日本人
睇生肉,只要唔好太多方言,都明到一半以上,有d冷門到冇人譯既都有得睇,或者唔駛等人譯就睇得
一個月,只係臨訓前同搭車睇下,可以睇完一本日文小說 
根住呢個重要啦,飛去日本握手,可以同成員對答到
去到日本可以同當地人閒聊下,增加旅遊樂趣 

去左就黎兩年生寫日同過唔少飯交流過
好多都對日文有興趣又唔敢起步學
只要有目標,為興趣,其實唔難!
所以在此鼓勵大家快d去學日文啦
可能到你學成時48G已經收左皮
但係日文已經係你袋,總有佢既用處既!