詳細資料我相信大家比我知得更詳細
所以只打算雜談一下算了

首先講下31st既開賣日子
22/5
松下唯要做炮灰了
算啦
佢係唔係都係做炮灰啦
佢出到碟完成到佢既夢想就好

其次係今次商法問題
今次同之前唔同既係劇場盤都有投票券
之前亦都提過
劇場盤同通常盤賣碟數大概係7:3
上年總選有投票券隻碟賣得到160萬
主要原因係因為買完個別握手會券之後又要買投票券
如果今年劇場盤都有埋既話
其實係有助於握手強既成員拎到更多票數
特別2回完賣果一班(*1回都係得優叔,2回廣泛少少)
因為早賣得完既,代表首推係該位成員既可能性較高
而遲賣得完既,可能只係因為首推賣哂而轉而買次推/三推
果一票未必會落到該成員
賣唔完既唔駛講啦
而今次既安排,相信會刺激劇場盤銷量
因為劇場盤有個別得黎都仲可以投票
但係通常盤,相信只係同平時差唔多
有抽唔到劇場盤既飯可能轉買通常盤去投票
所以,我認為今次銷量一定高過30th
不過都仍然係冇可能重回160萬呢個高度
但係佢認清31st係點都重回唔到160萬
用呢個方法,都算係比較合情理,減少反嚮

至於SKE/NMB/HKT既single仍然冇投票券
理性分析下,都明白佢點諗
AKB其實一路以黎過100萬都已經係有SKE同NMB加乘既年代
唔駛遠,講下已經由SKE飯發起既不買運動既30th都好
計落SKE既貢獻度大概有22-23%
佢賣得100萬齊頭
即係有22-23萬既銷量都係由SKE貢獻
相反SKE新碟銷量岩岩過左60萬
雖然果22萬銷量唔會直接過戶落SKE
但係佢冇必要係呢個時候冒風險俾SKE既銷量過AKB頭
起碼以而家個情況睇
運營明白而家係AKB需要SKE+NMB保持個銷量
多過SKE需要AKB黎拉高個人氣
如果佢可以放得低SKE/NMB貢獻俾佢既銷量
一早都可以放投票券落各支店度了

最後想講下制度
今次個制度係自己衝埋去受死
而家確定唔玩既只有米沢同えれぴょん
而卒業生確定玩既得CinDy
係呢度
其實最慘既唔係卒業生
因為佢地唔玩都可以好大條道理
反而見到大夏海句"CinDy好勁呀"
個心真係沉左沉
舊年呢兩張相真係仲好深刻


佢唔玩,可以逃避左呢個場面
但係佢有理由唔玩咩?
今年可能佢去左K
有佢後面舊岩陪佢
但係呢個真係陰影黎
呢個制度令到班知自己冇機會既under更加難受
新既9期打後既都話仲可以叫接受挑戰向前衝
但係班舊人可以點
情願佢好似以前咁內定好哂邊幾個出黎玩
好過而家自己決定
反正我唔認為會好多卒業生會走出黎玩
徒添現有成員壓力