雖然我又講HKT
不過千祈唔好認為我轉推HKT
只係老實講下季度我既排名top20應該開始有HKT成員
下面會講到佢
 
我睇既係よしりん對HKT既搞笑成員既感想
識睇既請先行過目
呢條link 
大家開始留意HKT
其實未必係由center開始
所以児玉,さくら,めるる呢3個未必係大家先接觸既對象
反而相信指原係一個介入點
而村重先係大家認識HKT既第一個成員
係因為佢成日搶鏡同搞笑
而家HKT個現況係center位七國咁亂
雖現歌好多時都係めるる放center
不過碟就老老實實係睇唔出邊個先係真既center
而由於HKT又冇硬照model級數既人才
(*唔係冇,係走左)
所以idol系同純美型系都跑唔出
而家HKT就由搞笑系主導

篇文都講到而家HKT其實主流黎講就係村重同ちょり係主要搞笑系
而よしりん就點出左真理佳係一個非常好既搞笑逸材
其實明顯睇得出運營都睇到條路係向搞笑發展
而佢地亦睇得出真理佳係呢方面既人才
如果唔係佢地唔會俾佢上BINGO! 

我認為佢對HKT呢3個人既演繹同表達得唔係咁好
一黎,係HKT講起搞笑
仲有元老級既指原
同埋現役HKT搞笑二番手田中菜津美
bingo_murashige_02
所以絕對唔係會3巨頭既形勢

二黎,雖然而家ちょり同村重都算成日夾埋一齊玩野
不過如果加埋真理佳落去
我諗村重唔止要驚田中搶左佢個2番手
3番手不保都唔奇
我唔認為有左真理佳之後ちょり會同村重組合黎玩
因為ちょり同真理佳呢對由中學既經開始一齊搞笑既組合
夾左6年到而家
點睇都係佢兩個組成一個組合啦
加上而家村重某程度上轉左型做爛gag
同ちょり/真理佳佢兩個真係引人發笑既路向都唔同
加上如果真係佳真係好似佢講到咁勁
我諗村重真係唔駛鬥

第三呢,之前都有人提過村重佢真係捉住左我地睇到悶呢個point
變左我地全班睇到呆左"又係呢個gag呀"呢個全場靜哂既情況之下黎引人笑
但係爛gag係唔可以玩好耐
當某一日個gag爛到無可再爛既時候,全場靜哂都唔會笑得出
因為靜哂呢樣野係已經預左
近期雖然佢引入左被吐糟"你d gag都唔好笑"呢個角色
但係都唔係長遠方法
如果村重仲想以搞笑係HKT度搵存在感的話
佢唔係擔心其他搞笑成員既堀起
而係真係諗返一d好笑既gag出黎

搞笑呢d野除左個笑點要好笑之外
表情出現既時間同埋現場觀眾既反應控制都係好重要
gag雖然係重點,但係gag可以好多人一齊諗
表達個gag先係技巧
但係村重而家係表達技巧都唔高既時候仲要諗唔到新野
比起ちょり+真理佳兩個全面型既gag神
村重係完全無力對抗呀