真係好淺
因為對我黎講並不意外
亦冇大影響

前言我要引用尋日武道館舞台上面安奈講過既一句說話
"係AKB係浪費時間"
雖然北原幫佢兜
"係度講好似唔係咁好"
唔理佢地係咪夾定講笑咁講定係認真
呢句說話換黎既係飯們一致既..................掌聲
全世界都好認同

如果你明白我地點解會咁認同
亦咁欣賞安奈講既呢句說話
我諗你都明點解今次既移藉發表對於我黎講係不意外 

分開幾組黎睇先
首先
昇格3人最唔意外啦
全世界都估係佢地3個昇格 

之後就係由SKE/NMB/HKT兼任AKB既成員
兩個先鋒安奈同りぽぽ
成唔成功我諗都唔駛我講
りぽぽ我唔係好清楚NMB果邊點啦
淨係講安奈
我可以總括地形容為"人氣一條直線向下沉"
首先佢揀呢兩個人選本身唔算得上係高人氣成員
安奈係SKE既位置只係"冇人氣既運營推"
冇本身人氣既加強之下
仲要東京名古屋兩邊走
身體負荷當然係一個問題
另一個問題係兼任既情況下
佢係Team B同K2都冇可能一路出場去保住自己既人氣
想兩者兼得,到頭來只係得不嚐失
呢個就已經係兼任既弱點
今次新揀既兼任成員
奈和的確比較有人氣基礎
而且唔係靠公演積聚人氣既種類(*新握神呀嘛)
楓子個人氣基礎比起奈和弱
佢人氣積聚類型屬於相片釣
所以奈和同楓子都仲可以值得一試既
我比起上次既絕望,今次對佢兩個我都只係覺得一半半 
最後児玉呢
呢個就最唔可能成功
因為失敗例子已經有安奈同りぽぽ
呢度黎講除左HKT揀児玉而唔係さくら係我預想外
奈和同楓子都係如果俾我一定要揀都會揀既人選
當然取消兼任制先係大勢所趨啦

之後就睇由AKB去各隊兼任既成員
上次我記得我對北原兼任既評語係"唔好當SKE係垃圾桶喎"
北原到而家睇返轉頭
佢人氣既進一步下降已經算係得到應有既結局
一個人氣已經走向下既成員仲要兼任係冇可能成功
今次相對既應該係粒檸檬
唔知今次NMB既飯會點睇
相比起當時NMB拎到由依既感受
會唔會突然明白我地SKE飯當時既激動
當時拎到由依既NMB
見到由依係兼任當中拎到唔少既人氣
但係成功定唔成功我都唔可以下定論
因為佢既人氣上升都唔一定算得落NMB既頭上
今次相對既就係落SKE既大場
大場比起由依人氣較低
但係開始兼任時都有一個問題
就係人氣去到樽頸位突破唔到
咁樣落去其他地方吸納人氣都算係可取既方法
不過對於大場
SKE既飯當然都抱有一個態度,就係"我唔需要呢個成員黎SKE喎"
不過今次應該會冇咁激烈反應
反而擔心係以佢既人氣係SKE度應該搵唔到屬於佢既一席位
有可能對佢黎講係壞事 
但係另一個方面諗
佢唔阻礙SKE隊內成員人氣上升
SKE飯對佢既抗拒冇咁大
所以,只要佢唔係SKE選拔16人(都好大機會)
佢都冇乜大問題既
而且大場都係成鬼日上網既人
我諗...........佢識執生既
作為新K2須田飯
對大場非常歡迎,歡迎進入新K2外星人既世界
希望大場識同新K2班外星人溝通到啦
(*我認我偏見啦,我不嬲都推大場ga la,而家我認,我更加愛新K2了)
不過呢兩個人選就算係有d意外啦
可能佢地意識到落SKE/NMB唔係推上位成員既好方法
而且今次兼任成員咁快回歸AKB
唔排除新任兼住成員可能會抱住反正都係幾個月既心態
對佢地,對SKE/NMB都唔係好事

之後海外組3人兼任
我睇到之後
如果可以的話我想問仲川一句
"俾你重頭黎過,你仲會唔會係JKT做得咁努力?"
明顯呢3個就係海外移藉失敗既例子
上海果邊政府唔肯批簽證呢樣令上海2人冇野可以做到
回歸日本都好正常
亞樹茶兼任而仲川唔駛兼任就知到揀兼任成員既分界係邊
就係成功移藉既就唔會兼任
失敗既就返返日本

之後最後好似仲有個喎
鬍鬚佬真係唔好意思啦
不過指原呢次又係明玩野
岩哂啦
岩岩MC果陣先講係早幾個月識左BBQ之後覺得BBQ同佢好投契
咁指原同BBQ咪可以組成一個成日俾運營玩既組合囉
下次去握手會仲要抽劇場盤?
早一日去排支配人部屋啦!

而今次對於我黎講係一個壊消息
尋日先完左生寫日
我成個AKB我淨係收石田同石田就搞掂
但係今次兼任之後
古畑,楓子,児玉都係我推之列
到時要齊set可能要爆多一包啦 

仲有TGSK你條友個態度真係好有問題
你可以唔理玲奈講乜都好
咪由得佢講完你唔好理囉
人地未講完你就出聲
俾人講下佢見到既問題會死既
更加既係玲奈個問題
我睇緊果陣我自己都浮左呢個問題出黎
你咁樣對玲奈,咪即係同樣既方式對我
而且我都咁諗
我諗好多睇緊呢個concert既人都係咁諗
點解你就唔可以清清楚楚地解釋一下而係要無視呢
冇禮貌到死
面就人地俾