主要係因為今日睇到有人可以由此至終1yen都冇消費過

我地平時blog友一齊出黎聚果陣
我地自稱勸敗團
故名思義
就係努力勸人地去敗家
我個人覺得我都可以算係勸敗既
反正係叫人買而唔係自己買

我自己既消費模式其實好曖昧
我平時既消費係接近不消費人士
每個月固定進貢260蚊俾官店
除此之外真係好少買野
對上一次入生寫就係上上個月生寫日50蚊入左須田封入
所以我可能3個月既生寫消費先等於某人買一張生寫既消費
算唔算得上係生寫型消費?
我都唔知
不過我覺得唔算

之後有時會買下書黎睇
對上一次就係買左SKE History果本野
你諗下已經係幾耐既事
平均除開一個月消費係書類雜誌上都其實又係50蚊到
仲係買碟囉
不過我成日參加SKE飯既AKB碟不買運動
而SKE一年先出左3隻Single
對我黎講,算係低消費
而且碟入面既握手券先係我主要既消費

黎緊我會第3次去SKE既握手會
講得係SKE既握手會
當然係日本ga la
我諗我既主要對48G既消費就係度
你可能諗我係一個遠征型消費
但係其實我除左生日去握須田手果次算係專登去日本為左握手之外
另一次都係咁岩路過
同埋咁岩有握手券係手
而我個人都想做公演飯既
可惜個天唔俾我咁做
去過咁多次
抽過遠方8次啦
我竟然一次都未中過
不過黎緊我會努力抽ga la
而身在香港,想幫趁DMM都幫趁唔到
唔係我唔消費
係佢唔俾我消費呀

如果我要夾硬歸類
我應該算係接觸廚同認知廚
同須田/BBQ握手果陣既開心感覺
令到我想一去再去
而俾須田認得既感覺更加係開心至極
不過我去個握手咪又係百幾蚊一次
我既消費都始終唔算太多
不過個人對於可以一蚊都唔消費既飯深表敬意

其實推48G,仲可以有乜野錢洗
點解個個講到好似跌落深坑咁