其實我覺得我唔提自已野都係受到須田影響呱
佢都係寫好多野
但係你永遠都搵唔到佢提私事
而我亦都學習須田
盡可能都每日出下文
可能短d,行貨d都好
希望都叫有d野睇

好
其實我唔係寫野黎佔用版面既

今日
我confirm左我31/1/2014張機票了
nagoya booking 2014_firm
雖然係晚機去早機返
但係直飛中部
又唔駛坐國泰受氣
算係咁
價錢就.......唔好提了
V class
都知唔係正常會買既飛
不過我都係果句
如果我拎假為左張平機票的話
我拎假個成本可能仲高過張機票貴左個價

下一步就係book酒店同等抽飛了

我有咁諗過
如果我今次都去埋concert
作為一個唔係日本長駐既人
去過哂全握,個別,公演同concert
我會唔會因為咁樣
冇哂想追求既野
而個興趣慢慢淡返呢
而且我心入面頭5位既SKE成員
我其實已經全部見過,傾過,交流過
不過我對佢地冇因為我見過而滿足既
反而好似接觸廚同認知廚咁
同成員見面
俾成員認得
兩個都係令人其加泥足深陷既經驗
去過全握同個別
反而兩個都冇乜特別想再去既感覺
但係公演
我的確到而家都仲好回味
好想再去睇一次
好想再一次引誘ぺんぺん講多次いーよー
好想見到つうちゃん笑到冇左眼既樣
好想聽下ちょきん既へへえ既笑聲
仲有あんみ真人既rock
我諗
我睇埋concert都唔會出坑既
反而可能會好集中去諗辨法睇公演做公演廚呱

不過有一樣野都係冇變
就係我堅持寫下blog既宗旨
要令多d香港既飯對SKE有更大既興趣,有更大既認識
雖然個個去哂睇HKT
但係我唔會放棄ga
因為我堅信SKE先至係正野!