6期一出果陣
我記得我第一個睇中既就係北川
之後慢慢先將視線轉移返去北原同埋鎌田身上
不過北川一路都冇離開過我目線
a09c9f5e
9a8852f2

今次北川既生誕祭
最想講既就只係封信
睇完封信既內容
如果你同我一樣其實仲好鍾意北川既
你會更加鍾意佢
由北川最愛既おぎりー讀俾佢聽
ea78165c
0a7cd511
係一封北川媽媽寫俾佢既信
內容好長
我大概講下

"係舊年夏天果陣,綾巴佢突然話想參加SKE既audition
我地同佢講,要做既話唔可以半途而廢ga
佢就回應話絕對唔會放棄,一定俾心機
由細到大都係好有決心既人,鍾意做既野就一定唔會放棄
記得係幼稚園果陣,先生話佢為左要識玩呼拉圈
幾多個鐘都好練到紅都面哂
佢既根性係多普通人一倍
因為佢唔鍾意輸既性格
小學生果陣有次個樣好開心咁拎住成績表返黎
好有自信咁拎俾我睇
當佢知道佢家姐成績好過佢果陣
佢就砰一聲關左房門
匿埋係被入面係度喊,好唔甘心
佢一路以黎都係咁
唔甘心果陣就匿埋係被入面喊
就算大熱天時都好
唔開冷氣就匿入張被度喊
喊到攰就就咁訓著左
就算出到成身汗都好都係訓到隻死豬咁
我一路都諗佢咁樣唔會"發酵"ga?(*媽媽真係用發酵呢個terms)
到而家佢都係用佢呢種唔想輸既性格生活下去
係初初上堂果陣
佢連基本既步法都做唔到
於是佢每日係屋企係咁係度練
跳到隻腳都甩皮,好痛
而且佢未跳過舞
舞步就總係唔記得
係concert之前係酒店果陣send左個好慘既mail黎
但係佢為左唔騷擾其他訓哂既人
一個人自己面對,但係又唔知點做好,真係好痛苦
好想即刻抱住佢
都有諗過,如果佢一路都係咁痛苦的話不如唔好做落去會比較好
綾巴佢一路以黎都係24個鐘都唔夠用既人
一度難關過左
就會有一度更大既難關等緊佢
決定左佢做珠理奈既under之後
感受到前所未有巨大既壓力
每日練習完之後返到屋企都係繼續練
食少少飯,沖個涼去訓果陣都係睇住DVD去訓
連續好多日都唔夠訓
食早餐果陣試過好似小朋友咁個口含住野食就訓左
見到佢咁,我都好痛苦(*如果俾我見到都覺得好痛苦,好想攬住佢呀媽媽)
如果佢之前有學過跳舞,可能會唔駛咁辛苦
之前冇俾你去學跳舞,對唔住
多謝係綾巴痛苦果陣,一路支持佢既前輩,同期,寫信去支持佢既人,staff們
而家佢講過SKE就係佢既生存價值,佢都堅強左好多
唔會忘記最初既心情,邁向憧憬中既世界,係一件幾咁幸福既事
支持綾巴既各位,希望都一路支持落去呀
佢可能仲有好多未係咁好既地方
但係我都好驕傲於有個SKE就係佢既生存價值既女"

f0367448
4d7717b2
周圍個個都喊哂啦
佢都仲係忍到唔喊
果然大個女啦

諗住求其寫少少
一睇就想繼續寫埋落去
因為真係好感動
一路打一路有少少想喊既衝動
但係一路打
又諗返起佢出黎咁耐啦
佢其實真係好俾心機去做
只係天資所限冇可能咁快上手
個問題始終係運營度
上面封信都係媽媽寫既
係側邊既人睇到既感覺
而北川自己既意思係點?
"做S under果次係我人生最大既痛楚"
佢之後自己講返果段
有人可能好風涼咁話"呢d係運營推特有既苦惱"
可能以知魚之樂既角度去諗
我地冇可能知佢真正既感受
但係佢既然可能咁老實講出自己既感覺啦
運營真係要好好考慮下
推唔係唔得
係點樣顧及多d成員既感受

而我自己對北川既感覺
只係覺得佢俾運營大推之下
佢可能壓力既影響
冇最初出黎果種閃亮感
令我不明所以咁將視線移開左少少
睇完呢段信之後
我覺得我6期首推都係唔會變,會係北川ga la
我就做支持佢既人之一
要努力地撐落去呀
珠飯雖然好恐怖
不過普遍既S飯都係好好人
唔好俾咁多壓力自己就好了 
814625528