今日既結論如題
首先係
玲奈今日係一篇訪問度講到
近期由日本紅到香港都有人識既橋本環奈好可愛
我認同
d4bf72c1
呢張相係咪有d似.....................須田呀
我覺得佢呢張相真係好可愛

之後當然係draft既問題啦
首先再讚玲奈
我記得我尋日都同某blog友講過一句野
"我初初返第一份工果陣
老細同我講過
你作為一個technical professional
當然technical層面你既考慮好清楚
但係最重要既係user既感覺呀"
套返落SKE個case度
其實就係就算你清楚知到自己果隊可以點樣提升都好
最重要既其實係fans既接受程度
draft名單既有一位候選人
fans係最期待佢會俾人揀到
傳說佢去到小珠握手果陣小珠支持佢參加draft
而佢本身亦都參加左5期落選
但係佢對SKE既愛
已經令到所有SKE飯折服
可能玲奈本身知係小珠叫佢參加
等小珠可以直接指名佢
頭幾round都冇揀佢
偏偏小珠老點完人之後唔揀人
玲奈於是就係S決定唔揀之後
揀埋佢E最後一個人選
福士奈央
多謝玲奈俾個機會佢入黎SKE 
你問我作為我支持既SKE成員要係點
可愛,表現力高當然重要
但係最緊要既係對SKE有愛

補片

佢只係參加過SKE既audition而冇參加過AKB/NMB/HKT
佢愛既只係SKE而唔係48G
佢想成為既只係SKE而唔係idol

你可能會話小珠唔係隊長
揀人係西哥話事
但係西哥份人係點大家都清楚
佢點會唔聽成員意見呢
特別係小珠
連小鳥都放左第二個選擇權俾須田
須田揀左佢印象好深刻既高塚夏生
呢位俾KII既表現震懾左既候選人
又係SKE入面最重要亦最強調既愛既問題
加上須田咁講
擺到明會俾須田湊大佢啦 

好,咁小鳥又點呢
我尋日先問完"幾時draft?如果握手會完左先draft既我都要去握,要同小鳥講唔好揀咁多人"
其實好多飯都講緊其實SKE根本冇需要咁多人
佢就偏偏揀左鬼咁多個入去
呢樣就先係明顯唔明白飯心內面既諗法先啦
而揀人方面
KII的確算係揀到比較好既惣田同神門
但係先係好又點
根本冇咁既需要
其次佢揀個個人既理由都係佢跳舞好
適合KII performance至上
而且KII而家跳舞好既成員唔多
須田呢?柴田呢?ゆかぴ呢?舞茸呢?
呢d全部都係唔止SKE最高舞蹈力成員
48G入面都全部係top class
最最最重要一點係
小鳥一開頭先話會以SKE既利益先於自己team既利益
先不論KII咁樣拎咁多人有冇益
但係拎咁多人黎講對SKE就的確係有害無益
我唔知係SKE本身既研究生好
定係呢班候選人唔夠勁既問題
但係呢班候選人入面最最最好既須藤睇落都唔夠SKE求其抽一個6期生出黎好
簡單黎講
就係拎到幾多個幾勁既都好
都本身唔係即戰力
理論上對SKE整體黎講應該係拎得越少越好先係正確選擇
而且只係單憑表現去揀人
用返我開頭果句
其實就根本已經唔user friendly
本身SKE飯接受既4人
KII先拎得1個神門
加埋須田揀個高塚
須田呢番話
已經說服左全SKE飯俾佢揀高塚
但係淨低果3個揀黎就真係多餘
其實最好既就好似S咁
求其揀一個同肥秋交差就算
明顯地小鳥係唔明白飯既心態
相比起同場既玲奈既表現
小鳥真係完全被比下去了