就算去左AKB
ゆりあ既出現
都係因為SKE 3期
呢樣野係唔會改變

最後一日既ゆりあofficial blog啦
佢講左好多關於3期成員既感覺
一路睇
一路都覺得佢好慘

講到ゆっこ
開朗既性格
熟練既舞蹈

講到ごりさ
大家既妹妹
毒舌既發言

講到みきてぃ
搞笑既表現
快樂既感染

講到MMQ
獨斷既性格
堅強既意志

講到須田
精神既支撐
正確既信念

冇啦
SKE3期
就係得返呢5個成員可以俾佢講下
雖然佢講左好多好多既內容
但係我淨係睇到一樣野
佢對SKE既不捨
佢係Team S出身
到走都一路仲係Team S
第一代既Team S
唔駛老飯都知道
強到係以SKE甚至係48G既光環一般既存在
到而家量化左人氣既調查入面既最尾位置
唔捨得呢隊最舊既S既同時
真係唔捨得ゆりあ既離開

其中佢講到須田果一part
佢提到係之前既卒業潮之後
一路支持住佢既就係須田
係呢度
我唔係想讚須田d乜
而我係諗起當時ゆりあ果句"大丈夫です"
當時唔止我
應該全部飯都係諗起一首歌
ラムネの飲み方
睇返佢今次既blog
當時佢的確係好傷心
特別係小木曽既離開
令佢頓失支撐
雖然回過頭睇
我地慶幸小木曽既離開
亦開心之後支持佢既係須田
但係當時全世界對ゆりあ既擔心
諗返起個感覺都仲係覺得由心入面震出黎

但係而家ゆりあ雖然唔係卒業
而係移藉到AKB
但係同當時相比
而家個心係好過左好多
起碼而家SKE既重心唔係任何人
唔會係冇左ゆりあ唔得既時候
同時佢既發展的確係SKE遇上樽頸
一路俾後輩緊逼趕過
既然喜歡一個人應該係想佢幸福
我諗,支持一個偶像,亦都係希望佢能夠出人頭地
呢個對佢黎講係一個好好既機會
我相信ゆりあ一定可以好好把握

睇完諗返轉頭
ゆりあ決定移藉既果時
佢都講左句
"其實一路以黎都想去東京發展
作為一個idol,如果唔去東京,又點算得上idol呢"
我相信佢講呢句出黎果陣個心情
應該同當年句"大丈夫です"一樣
但係既然都講左出口啦
記得自己講過既野
努力實行出黎啦 
c397cec2