今日見到尋日NGZK既握手會設置
NGZK係呢個時候搞握手會
其實都證明左48G既握手會都可以進行到
取消又係過份地自肅
甚至係一種懲罰飯既行動啦
我到而家都唔明
同一個老細
同一個結構
究竟有乜分別
一個可以照常舉行而另一個唔得

唔講佢地點諗
見到今次NGZK既握手會配置
日本方面就話係接觸廚同埋釣師末日
張圖係執返黎
099f780c
e32fa232
我就咁睇
我又覺得冇乜野
U型咁出入
可以令飯放低手頭上既野
出去時拎走
係一個幾好既idea
至於佢地認為咁擺
令到釣師們冇左迎接同送別兩個process
之後因為個柵同高台
令到成員同飯既距離增加左
但係之前有張檯係前面都好大距離
而家由張檯變左個柵
其實係近左呀
加上好多時成員都唔係太高
有左個高台之後
咪可以用阿比留既名句
"我地既視線係同一個level"
不過大場既絕招向上望住飯就可能成為絕響啦

其實總體黎講
我就覺得冇話好左定差左
而對成員既保護黎講
亦見唔到有左乜野進步
一向入左去都唔俾係袋度拎野出黎
叫飯放低個袋其實都冇乜影響
要收埋野都收埋係身上啦
個高台其實都起唔到乜保護作用
我淨係覺得
應該加快恢復握手會既步伐
始終呢個係個別事件
而且事件中睇到既係
其實普遍飯都係好愛護成員
但係痴線佬呢樣野
其實都冇得避
一黎你唔知佢幾時痴線
二黎唔知佢會唔會病發
除左以後都唔搞
呢d野真係避無可避
反而最有效都係飯同運營之間多交流
現場最多既就係飯
最愛護成員既都係佢地
有起事上黎理論上最幫到手既就係飯