唔係你理唔理佢既問題
但係由佢產生既所有問題
都總係會自動上門搵你

民主
就係意見互相專重
人地可以踩你
我專重你既批評

我知
作為飯
睇到我地其實圈子內
其實仲有好多都仲好細個
又有好多其實都係不問世事
但係更多既
係已經大個人
一個成年人係要有自己既想法
如果你覺得
呢班係政總外既人係好暴力抵佢死
我除左憤怒之外
我只有專重你既意見
絕對唔會打柒你

如果你明白左呢個慨念之後
睇返呢個政府既舉動
我想問政府有冇專重過呢班人既意見
1411901353_0c83
呢個政府係唔係一個民主既政府?
如果呢個政改方案過左
即係最起碼仲要見多8年呢個現象
而更加既係
好可能係永遠

而我係企係邊一方?
我可以答你
作為大學畢業既人士
一定會企係學生既一邊
如果企係政府既一邊
我覺得呢個人應該再讀返大學
起碼大學最重要要教既思考同埋資料既吸收係半分都冇學到
咁點解我而家又做鍵盤戰士?
你就當我淆底吧
我係呢件事上,我有自己既路要行

作為一個成年人
有一樣野係好重要一定要識既
就係責任
你做既野,產生既任何效果都係你既責任,不論好壞
好既當然爽
但係事情唔係一定永遠向好既方面發展
如果個結果係差既
都要負責ga
唔係收收埋埋,唔俾人問就算
唔止講緊高官唔負責
而係,其實作為一個選民
都係成年人啦
你話到時選左個反中亂港既出黎點算?
呢個係選民既責任
其實唔駛為到幾百萬既選民去操心喎
咁大個人,揀左個痴線既出黎
個後果佢地都要承擔啦
前提係佢要係合乎選舉勝出既資格丫嘛
點解反而而家冇得揀
你assign左個痴線佬俾我
個後果反而要我承擔呢 

呢度,應該唔少都仲係後生仔
如果你想你既將來commit俾香港
係應該要發聲
除非你已經決定要走
如果唔係,就仲有幾十年要係香港捱
果班老而不
佢地支持政府當然口爽
佢地都冇乜幾多年係世上
你想摺埋就算
有冇睇第一段?
你唔理政治,政治都會上門搵你ga la