好
係咪開始明白我點樣18日去咁多度地方
今篇既地方都仍然係跳晒線既感覺

上篇講到我去左出雲市
追返post之後
其實去完出雲
我同一日仲有個地方要去
就係松江市

其實松江先係島根最大既城市
條街都旺好多

去左成日先去松江做乜鬼
就係為左訓係草地度睇宍道湖既日落

好靚好舒服
完全值得
係有D凍咁啦
之後就出返岡山準備第二日既行程

睇到包兔糧
就知我係去大久野島啦

大久野島呢排好多香港人去
我係島入面仲見到有香港旅行團
但係如果自己去
我相信plan果陣都好難諗早一日住邊
同埋交通點安排
我果陣都諗過
因為就咁睇,広島市就咁睇落可以搭呉線直到忠海轉船去
但係實際上就算係広島都好
其實都係新幹線去三原轉呉線最快
而去三原,係広島同岡山去其實都差唔多時間
邊度方便就ok了
而佢既船同電車,基本上都係一定落車送船尾同落船送車尾
留多d時間係忠海等車係必要既

上到個島
都未係好多肉兔
去到渡假村個位先至最多
而差唔多全部人都係度餵兔

一地都係肉兔
正呀

我影左好多肉兔大頭
唔炸相啦
隻隻都係咁得意

有d仲好狼
爬上我隻腳度
完全唔驚人
有野食就得

因為只要拎野食出黎
佢地既視線就會

之後就一堆咁衝埋黎

個島好細
除左兔之外都冇乜野睇
大部份人都同我一樣半日就ok 
我淨低果半日就係用黎俾我趕路
我地一野跳線去到名古屋
為左睇呢個
 
SKE既廣告效力真係好大
而且SKE都冇介紹錯
我係3月底去
岩岩好燈光show未完
而且有櫻花睇
於是我6點半趕到なばなの里
一次過睇晒夜櫻同燈光show

真係靚到唔信
なばなの里本身就係sell花既
佢既櫻花開到全場都係

每行一個section
就有唔同感覺既夜櫻
不過真係人山人海囉

行到近出口有個湖
加埋個湖反映既夜櫻真係絕景


至於燈光show
睇成員既相都睇過好多


なっきぃ自拍條燈光隧道

 
入去真正主要show既一條隧道

 
CM入面玲奈同須田就係呢個位睇啦


CM最後一幕個高角度位置

現場睇靚到唔識形容
係名古屋我最推薦既景點
去名古屋一定要去既地方

好,我地聽日再跳過線啦