今次跳
唔係跳得好遠
我跳左去松本市
因為去松本市
由名古屋去都係好正常
所以都唔存在過份遠既移動

松本市一落車
我心諗嘩都幾大城市feel喎

係咪呀
睇個view就好似冇人版既渋谷交差點咁
松本市俾我個印象
就係我個look終於融入到
松本市好多人都用行山背囊
因為佢地真係去行山,松本係上去登立山連峰既起點呀
呢度個個都係勁人黎

我黎就緊係唔會咁大挑戰啦
我份人好hea
松本除左出名行山
就緊係最出名既松本城啦

有立山連峰做背景既松本城

松本城係名城
鍾意攻城既我當然要攻下啦
今次行程第一個攻既城就係松本城啦
上到去個景又再靚d

望住雪山個感覺真係一流
之後再行左開智學校果邊既古西洋建築
同埋松本市街
松本係一個幾有西洋味道既城市

之後呢
松本附近都有一個地方好出名既
就係諏訪啦
而諏訪黎講
我個印象係一個過左氣既旅遊點
佢好多野都好舊
而佢旅遊點既吸引力就係諏訪湖啦
最出名就係呢隻遊湖天鵝

隻除左用好笑黎形容之外都諗唔到其他形容詞

去完之後
黠解會過氣我覺得我搵到答案
因為個湖真係好污糟
之前我已經覺得琵琶湖好污糟
但係諏訪湖真係有過之而無不及
咁污糟仲邊有人黎遊湖呀

但係由於過左氣
成個城市都好少人
好住宅feel
所以我都係湖邊個大公園搵個遠離湖邊既位hea左陣

順便等車去長野

去長野果陣
我去松本市劃飛
綠色窗口位staff妹妹真係好好笑
佢既對答完全同平時既JR職員完全唔同feel
用勁多口語
我最記得同佢講要去長野果陣佢係答okです
仲要之後係咁吹其他野
吹吹下
佢同我講
原來松本去長野呢段
就係日本三大車窗之一既路段
最出名既就係姨捨夜景
佢專登幫我劃左右邊既車窗位
話俾我好好享受姨捨夜景
於是我就無啦啦多左一個行程啦
不過係移動中要影夜景就有難度啦
我介紹俾大家,自己去睇下啦
真係好正
個感覺就係自己好似坐住聖誕老人架鹿車慢慢飄落去長野市咁
請自行想像