成件事
最fail既係
佢本人自己推介完都冇發現到fail


話說官方就出左個鬧鐘
咁つう佢就出個post推介大家去買啦
http://shopping.akb48-group.com/products/detail.php?ske48&product_id=23456
咁樣
成件事其實都真係好正常
因為條link係冇出到實物既
呀
唔係
係出左あんみ同りょうはたん既實物
而係冇つう既實物睇

所以我都覺得
就咁睇條link
つう又淨係貼條link出黎介紹係好正常
因為實際上fail既係實物

今次真係要
つうおこだよ

就係我最想睇既つう成人式我去唔到睇
不過つう佢自已就影左上黎啦
真係神級可愛


只係唔知點解有枝神棍出現左
好好笑


以佢部機咁wide
駛乜用神棍
而用神棍既人
又點會自拍到見到支棍
不過つう咁可愛就當然算數啦
唔笑佢啦

今日佢應該係地元既成人式
聽日就應該上京去AKB既成人式
希望會有多d相睇到啦 

曾經,指原教過我地一樣野
幾時會開始有anti
就係人氣開始升果陣開始有
越有人氣既anti就越多
佢認為成員係唔應該介意anti既存在
因為anti除左令網上曝光率增加之外
仲係人氣既證明

根據呢個定律
我地知到SKE入面
係玲奈人氣最高
其次係須田
第三係柴田

今日
我又發現左個人氣上升中既成員啦
佢,終於過左繁殖出anti既人氣合格線
つう,恭喜晒
雖然佢講既野錯唔晒
不過肥ja ma
起碼Team E最肥既一定唔係つう先
而且佢肥既部位咁適當
我覺得係優點黎

※老老實實,佢瘦左

今日見到最好笑既合照會報告都係黎自つう飯
入面前預定對白
"合照既pose?我希望つう可以將對π放上檯面"
入到去
"er............er.............er............ピース啦”
"好呀"

佢既構想
突然令我對本身全無興趣既合照會萌生左少少興趣 

今日刊登既AKB的人生論既主角係つう
http://www.asahi.com/articles/ASGCK638XGCKUCVL01X.html

つうちゃん呢個咁可愛既角色係如何鍊成


如大家所見
つうちゃん細個係好怕醜
係會匿埋係先生後面個級數既怕醜
小學果陣係個好乖好靜但係身體好弱既小朋友
老師擔心佢咁靜
小5果陣見佢識彈琴
於是就請左佢伴奏


之後另一件事對佢影響深遠就係打排球
個原因好小朋友
不過冇計
因為佢果陣真係小朋友
又係小5果陣
見到電視既排球比賽就想試下
於是就開始打排球
但係排球太快太恐怖
所以唔係打得好好
不過就令佢性格冇咁靜
而且身體亦都健壯左

中學果陣
由於排球太恐怖
原本都唔諗住繼續
但係佢唔係太鍾意讀書
佢媽媽就勸佢繼續
而且唔單止部活
仲參加左地元既排球隊

每日返學都訓練
而且參加左排球隊
連星期日都要訓練
球隊仲要個個都大過佢
佢好想放棄
但係佢媽媽再次勸佢
"總有一日你會覺得參加過排球隊係好事"

而係中學部活度
因為有個青梅竹馬既好朋友
以唔想輸既心
努力訓練
到中2成為左正選
而且有後輩加入
個感覺良好左好多

由於身型小
打排球果陣就成日成為對面隊既攻擊對象
但係就係咁樣俾人攻得多
佢亦都唔憤氣咁打返過去
開始培養起佢強氣少少
說話直接少少既性格


到左高1
開始對唱歌有興趣
一行6人一齊去唱K
怕醜係天生既
佢都係好怕係其他人面前唱歌
但係覺得唱歌好開心
而且朋友們又讚佢唱得好
令佢更加開心

原本冇成為artist既打擊
亦對idol冇乜認識
但係佢地6人組入面
就話不如一齊接受SKE個audition啦
於是就參加左SKE4期生既選考
過左一次審查
但係二次審查就過唔到
越係過唔到就越想過


佢以一年後既選考為目標
開始唱一人K
用自己既零用錢去學聲樂
佢再次參加左5期既audition
當日,佢既一班好朋友
平時都唔會去名古屋都陪佢一齊去

今次佢一次二次審查合格
最終審查都過埋
但係其實都要上過堂先正式合格成為正式成員
佢唔可以講出去話佢合左格
於是佢另外5個朋友問佢
佢都冇答到
佢既朋友就覺得支持左佢咁耐
合唔合格都唔肯答,好冇癮
同時,係報紙度見到假定合格既名單有つう個名
就係呢件事就鬧左交

其中一位朋友好似知到佢有難言之隱
就call齊馬一齊係走廊傾下
佢既朋友覺得佢合左格都唔同佢地講,好寂寞
つうちゃん一聽到就喊左出黎
"如果我真係合左格我一定會講出黎,但係只係假定合格,我講唔出口"
朋友們都係希望聽到佢呢句
成班人就係走廊喊左出黎
嗌完交之後
佢地既感情仲好左

由於有時要係名古屋練習上唔到堂
佢班朋友就幫佢jot notes
練習攰得滯搞到上堂訓著左
佢班老友又幫佢隱瞞
終於上完堂成為SKE既正式成員


開始左活動之後
由於成日要去名古屋
佢認真考慮過轉校
同朋友相量之後
佢地幫佢take notes等佢可以追得上進度
終於可以一班朋友一齊高中畢業

到而家畢左業一年有多
都成日同呢班朋友有聯絡
有時一齊去下旅行
有意見問下佢地既時候
班老友都會有話直說
一切一切都係為左佢好
直到最近佢先知道
當時引佢一齊去參加SKE選考既朋友
其實由頭到尾都冇交過資料去SKE
雖然佢地冇講到明
つうちゃん知到班朋友係為左佢可以成為歌手先至咁做

呢一班就係つうちゃん引以為傲既朋友
つうちゃん亦都希望成為呢班老友引以為傲既朋友 


*
我睇就睇得好快
好耐冇咁認真去譯一篇文
除左想講つうちゃん佢自己既故事出黎之外
近期對自己既日文好似冇乜信心
仲有兩個星期就考試
就當俾個機會自己練習

同埋
我覺得有咁多好朋友去支持住つう
佢真係一個好幸福既人 

雖然咁樣寫法好冇營養
但係為左表達我受衝擊既感覺
冇辦法啦



真係天使呀
甚麼ふるえご天都冇地位啦
世界上除左須田之外仲邊有可愛過つう既女仔

佢今日呢張振袖提醒我
つうちゃん黎緊要成人式啦
正路應該係1月7號
我真係好想去睇
但係我plan緊既行程
應該1月3號就會返黎
要諗下有冇機會留到7號先得