愛の一本釣り

握手会

冇理由淨係講人地既報告既-握手會報告

見我買左會場限定生寫
就知我去左握手會啦
我去既係11/5 port messe nagoya全國握手會

其實之前去過一次個別握手會
又去過全國握手會
不過果一次全國我係落機之後即飛NEX去橫濱
所以成個流程就只有入場,握手,走

為左享受埋前半部份
原來之前我將張握手券俾左某靶之後
佢竟然淨左一張
咁我老實不客氣
去參加11th single既最後一個握手會了

當日
由於我酒店住左係安城市
於是7:45就出門口
去到名古屋站都已經係8:20
於是就搭8:28既あおなみ線入去金城ふ頭
去到已經近9點
其實果度根本冇野咁滯
係個站落車既機乎都係去SKE既握手會
根住人潮行左5分鐘到已經到左會場啦
DSC_0518
去到
條人龍出乎意外地短
排左5分鐘到就入到場
入場果陣
只要俾一張全握券職員
佢就會俾一張mini live入場券你
張券就會講埋俾你聽你去邊個位ga la
DSC_0511
呢張飛要好好keep住
因為你可能會去shop度買野
可能睇完live未握手會出去食下野
呢張飛就係開始二回握手會之前既入場券
當然同時都係初回握手會既握手券之用
睇下我手畫
好draft既平面圖
port_messe_nagoya_plan
一個大圓形就係port messe nagoya既會場內
你見到會場店係係會場外既
所以入左場之後要去買野係要出返場

我拎完張飛就出左去買左野先
同傳聞既相反
店舖係冇人龍既
行埋去講買乜
買埋入返會場都唔駛一分鐘

之後如張飛所示我行返去A block啦
亦都如我張平面圖所示
我既位置係係舞台既正前方
有幾近?
DSC_0516
就係咁近
由於搞掂哂d野都係9:15咁上下
到正式開場11點仲有好耐下
我建議大家有機會去既
都要帶d野去消遣下
我就帶左本小說去睇 

睇睇下好快就開場啦
今次條list雖然須田好少出場
但係見到自己首推係自己面前演出既感覺真係好唔同
仲要咁近

完左mini live之後
佢就會清場
呢個時候,可以去食下野,周圍行下
1點前返到黎就ok
但係基於果度,我頭先都形容左,係乜野都冇既
於是我決定係返場內等
清場之後既平面圖如下
port_messe_nagoya_plan2
而等候區都會分返家庭,女性,A/B/C block咁等
到夠一點果陣就順序家庭>女性>A>B>C咁入場
當日既分佈係咁既
・松井玲奈
・松井珠理奈
・高柳明音
・須田亜香里
・木﨑ゆりあ
・古川愛李、後藤理沙子
・木本花音、高木由麻奈
・大矢真那、松本梨奈
・向田茉夏、磯原杏華、犬塚あさな
・菅なな子、佐藤聖羅、荻野利沙
・石田安奈、出口陽、日置実希
・矢方美紀、鬼頭桃菜、大脇有紗
・加藤るみ、金子栞、竹内舞
・木下有希子、梅本まどか、山下ゆかり
・阿比留李帆、加藤智子、柴田阿弥
老實講
冇乜特別既組合
最吸引既有阿比留李帆、加藤智子、柴田阿弥呢一組
我其實之後要趕返出栄既
所以時間都係我既考慮因素
但係,我拎到既係A Block飛
所以入到去除左玲奈,珠理奈,須田之外基本上都冇人排
問題係須田條龍都只係去到第2個蛇餅
於是我放棄其他排都唔駛排既組合
去返須田既懷抱
之後要做既就係等哂所有有mini live飛既人入哂握手區之後先開始

我發現我係A block入去既時候珠理奈條隊係最長
但係入哂所有人之後就變左玲奈同須田長珠理奈好多
小珠竟然原來係吸兒童飯同女飯既材料

排過須田既
就知道佢條人龍係清得特別慢
但係呢個絕對係好處黎

好,開始:
由於同須田都握左好多次,都冇左果種緊張感啦
對話都算對答到同幾快

我:こんにちは
須:こんにちは
須:點解你會係名古屋ga?
我:我外國黎既,去邊度都一樣啦,頭先第一次睇你既live,好好睇呀
須:係咁呀,好開心呀
我:總選要加油呀
須:(非常有信心既表情)當然啦,你都要支持我多d呀
我:當然啦,下次見
須:唔,byebye

睇完,你明唔明點解佢清人龍清得慢反而係好處?
你唔覺我可以比起正常全握講到多d野? 
唔知點解須田條隊個保安唔會點推你走
所以須田每一個人都可以講耐少少
而條隊就清得慢d啦

我就係得呢一張握手券
所以握完就衝返出去車站搭車去栄啦
兩餅人龍,握完我都已經係1:45啦 

分享4-全國握手會報告

重申多一次
握手會流程同注意事項可以先回顧一下以下我既一篇舊blog
流程基本上正確啦
http://fatho-ske.doorblog.jp/archives/16337179.html 

今次場地唔同左
我都會簡單人手畫左張當日横浜pacifico既平面圖
map_akushukai_pacifico
係咪簡單好多呢
因為當日我出盡全力都係5:30pm先趕到
會場店已經完了
所以我都唔知佢個位係邊

今次有少少唔同既係,上圖綠色部分
係需要入event參加券先可以入得
而入左去之後
就係一條條隊俾你排
乜野其他野都唔需要
只係排到你果陣就俾左張event參加券職員
同埋又係反反隻手俾佢check下就可以握手ga la
 
好開始入正題
當日參加成員如下
須田亜香里
・松井玲奈
・高柳明音
・矢神久美
木﨑ゆりあ大脇有紗
小木曽汐莉、竹内舞
・秦佐和子、小林絵未梨
・大矢真那、藤本美月
・古川愛李、佐藤聖羅
・木本花音、山下ゆかり
向田茉夏、金子栞
・矢方美紀、高田志織、梅本まどか
菅なな子、鬼頭桃菜、井口栞里
・中西優香、出口陽、上野圭澄
松村香織原望奈美、古畑奈和

我大推既上位成員以紅色highlight
好,俾時間大家估下我最後會點揀
講下周邊野先
上面有1人,2人,3人組合
握手總時間係大既每個成員3-5秒到啦
所以1人既話,享受到3-5秒
相反3人既話係享受到近15秒ga!
(*我咁講,即係我一定有握1人以上既組合啦,如果唔係點會知!)
當日朝早雖然已經睇左有乜成員出席
可惜我到去到都未決定到握邊個
因為好多成員都想握
呢個可能都係全國握手會既缺點
唔係好適合我呢種選擇困難症患者
加上同行有個唔係飯既朋友
我都想俾佢感受下個氣氛(想毒人入局)
所以手上3張留左一張俾佢
我可以揀兩次
而順便要幫同行朋友揀埋
所以去到會場
要睇情況先決定
我都覺得幾合理
去到見到玲奈個排隊區特別延長左
明顯今朝佢應該幾多人
之後人數呢
如果一條隊直去=0個蛇餅,摺左一摺=1個蛇餅,以下係我到場時人數大概統計

成員 蛇餅數 可以直入?
須田亜香里 6 N
松井玲奈 2 N
高柳明音 0 Y
矢神久美 3 N
木﨑ゆりあ、大脇有紗 0 N
小木曽汐莉、竹内舞 0 N
秦佐和子、小林絵未梨 0 Y
大矢真那、藤本美月 0 N
古川愛李、佐藤聖羅 0 Y
木本花音、山下ゆかり 1 N
向田茉夏、金子栞 0 N
矢方美紀、高田志織、梅本まどか 0 Y
菅なな子、鬼頭桃菜、井口栞里 0 Y
中西優香、出口陽、上野圭澄 0 Y
松村香織、原望奈美、古畑奈和 0 N

順帶一提
今次夾左係玲奈同須田中間既係小鳥
佢少人到可以直入,同之前もきゅ一樣,好慘


估唔估到?

我開第一個先
答案係:向田茉夏、金子栞
條隊雖然唔可以直入
但係人都唔算好多
20個人到啦
就到果陣
偷望下先
原來先握金ちゃん
不過睇黎金ちゃん係幾鹽下
即係要食完鹽再食草莓
可能會令粒草莓甜少少
草莓就好似一貫既莓對應
好甜但係唔係點望你咁
好到我了
都係盡量用中文講返個意思啦
我"はじめまして、うんちゃん"
金"え,點解同BBQ一樣咁叫我ga"
我"因為我推BBQ ga"
金"哈哈,bye bye"
我"bye bye"

呢個時候草莓一d都唔莓對應喎
因為佢企定定望住左我
好,我出手啦
我"はじめまして"
莓"はじめまして"
我"見到まなつ太緊張啦,講唔到野,對唔住"
莓"唔緊要啦"
我"唔,bye bye"
特別既一刻黎啦
草莓竟然須田式捉住我隻手,伸埋個頭出黎
莓"咁下次見啦"
佢仲要全程都望住我,冇避開我既視線
我,係咪得到左神草莓對應?
同我臨入去偷睇佢同其他人既握手對應好唔同
我感覺個對應只係同BBQ/須田既神之領域唔係差好遠
視線既交流
對話既聲線
握手既力度
臨行既對應
都係近釣師級呀!
經過呢次
草莓係我心中地位應該有所提升

就係因為咁,加上要毒朋友
所以為左穩固須田既地位
所以為左俾最好既感覺朋友
開估啦
第二個當然我又返須田既懷抱度啦
亦都帶埋朋友一齊
排入果條長長既蛇餅啦
可能因為握手時間短過個別唔少
所以又排左唔係好耐,20分鐘到就到我啦
我"こんにちわ"
須"こんにちわ,一個月冇見啦喎"
我(心情好激動,我唯有認我其實係一個認知廚)"你記得我?"
須"當然啦,好想之後仲可以見面呢"
我"我都係呀,下次見"
須"下次見"
行返出黎一路傻笑一路回味一路等埋我朋友
我朋友都話佢好可愛呀
哈哈,當然啦,握手=須田算係48group既通識啦呱
就係咁,我帶住極開心既心程繼續我既行程啦 

計埋上次,感覺如下
技術:BBQ>須田>まなつ>まつりな>金
清潔感:まつりな>須田>まなつ>金>BBQ
對應:須田>BBQ>まなつ>まつりな>金
真人外貌:まつりな>須田>金>まなつ>BBQ
態度:須田>まつりな>まなつ>金>BBQ
總釣力:須田>BBQ>まなつ>まつりな>金
不過まなつ係以對我既神草莓對應為準
到大家去果陣變返莓對應我係不負責ga

外部評論
a1ce91f9
我都好想試下阿比留同なんなん呢
有なんなん當然仲想試埋ぺんぺん啦
(*呢個表,BBQ好似排第10)

分享3-個別握手會報告

握手會流程同注意事項可以先回顧一下以下我既一篇舊blog
流程基本上正確啦
http://fatho-ske.doorblog.jp/archives/16337179.html 

我就簡單人手畫左張當日海濱幕張messe既平面圖
map_akushukai_makuhira
而每一條握手既lane就大概係咁
map_akushukai_makuhira_2
如之前篇blog所言
會場係的確可以自出自入
所以係可以冇握手券都可以去買會場限定商品

而握手流程係點
亦都同前文所講既一樣
去到會場
搵你去握既成員既位置
等夠鐘就去排隊
去到受付counter就要show握手券,納品書同身份證明俾佢睇
我用passport就ok啦
佢會係你張納品書度畫正字表示你用左幾多張券
所以握完,張納品書係會咁既樣
DSC_0185a
(*死,打左格都硬係好似睇到自己個名咁)
之後就去入一格等握手啦
當排到果陣就要俾張握手券門口位職員
順便隻手反兩反俾個職員睇確定你隻手冇特別野
之後就係握手既時間啦

好,開始分享下啦
果日我1點到就係秋葉原搭過去
2點未到就到左
第一件事排支配人部屋
好彩勁少人
排第3
但係同tgsk傾完都已經差唔多3點啦
至於我同tgsk講左乜
我早兩日咪話有d滿足感既
因為果日我同tgsk都講左唔少野,以下係大概意思
其中最重要我同佢講香港好耐冇成員黎握手會啦,所以我先係度黎握手(對唔住,其實呢個唔係原因)
佢既回應都幾官方
都係話佢都好想多d俾成員到國外
除左多d同唔同地方既fans見面,亦可以維持人氣
可惜呢d唔係佢單方面可以做到既事,要同香港官方洽談一下先可以做到
我仲有問過佢香港官方之前話係香港官店買既碟係投唔到request hour/總選拳令到我地對活動既投入感好低
佢話冇d咁既事,歡迎海外人士投票參與其中
仲有海外concert
佢就話都係好想,但係而家中日局勢問題....
我仲記得好型咁講左句"香港は中国じゃなくて、香港は香港です"
tgsk"そうなんですか"
大概就係咁上下

之後就夠3點
即刻去排須田
但係由於太多人,須田開始時間係每部delay的
到我握到佢手果陣就已經3點9了
對話內容以下大概意思中譯版(譯到的話)
因為實際講乜我都唔係好記得了
我"はじめますて"
須"あっ、はじめますて、イケメンですね、嬉しい"
(呢句我好記得,因為個心真係好似俾佢釣起左咁,所以你俾我用返日文啦)
我"我都係好開心,因為呢,我為左見到你由香港黎ga"
須(傳說中個驚訝表情,我又中箭啦)"香港,好遠喎"
我"又唔係既,為左見到你,都唔係好遠je"
須(大家好怕果個狂笑表情)"原來係咁,我好開心你黎到呢"
我"差唔多夠時間了,我等陣會再黎ga la,等陣見"
須"係,一陣再見"
須(拉住我隻手伸個頭出黎)"拜拜"

之後就傻笑周圍行
因為下一部係4點半,有少少時間,就去左買會場限定商品
見到d人係受付區外面等
咁我都一齊等,一夠鐘就入去
果然快好多就握到手
我"你好呀,又見面啦"
須"係呀"
我"其實今日係我生日呀,所以見到須田你,實在太好啦"
須"真係既?!生日快樂!"
我"多謝"(*目標已達成既快樂已經掩過一切)
須"我地既生日都好接近呀"
我"係呀,爭十日ja"
須"但係到我生日時就見唔到你啦"
我"唔緊要啦,十日後,生日快樂呀"
須"唔,多謝呀"
我"一陣見"
須(又係伸個頭出黎)"一陣見"

出返黎先4點9
我呢一部仲有まつりな
見d人等一陣先入去
我留意下佢地點樣決定幾時入去呢
原來要訣係等前面個人握完先入去
仲望下周圍冇人黎緊先走入去
咁就大把時間啦
我都係咁做
等左陣,差唔多5點就入去
前後都冇人,正
我"はじめますて"
梨"はじめますて"
我"まつりな你皮膚真係好靚呀"
梨"えぇ,真係既?"
我"當然真啦,比起平時係相度睇,真人真係仲靚好多呀"(真心話!)
梨"好開心呢"
我"你要努力呀,我希望下次既選拔可以再見到你呀"
梨"我都好想再入選拔呢,我會努力啦"
我"我等緊再睇你再入選拔啦,拜拜"
梨"好呀,下次再見,拜拜"

由於再下一部係6點半
所以襯呢個時候食少少野先
之後就去生寫交換區
老實講我冇乜野換
但係佢地都話有香港版生寫幾型
於是我用左5 set港版換左5張日版
好似好蝕
其實我冇乜所謂
香港果埋都唔值錢
我又唔會放
咁換做日版,我仲好啦

之後就到6點半啦
但係呢個時間須田上一部都仲未完
上一部係6點完的
咁我就決定再等下先入去BBQ度,BBQ完先去須田度作結
原因同上
我"はじめますて"
BBQ(而家先放返低個電話)"はじめますて"
我"恭喜你成為選拔成員呀"
BBQ"多謝呀,但係我希望唔止呢一次成為選拔成員呢"
我"我都係咁諗下,我想每一次都見到BBQ呀"
BBQ"咁我要繼續努力啦"
BBQ"記住每晚都要睇我既1コメダ呀"
我"當然啦,仲要叫多d人睇呀"
BBQ"多謝!咁最後啦,BBQ松村香織の今夜も..."
我"1コメダ!"
BBQ"Yeah,bye bye!"
我"bye bye!"

最後就前往須田條蛇餅度啦
值得一提
人數多少,以SKE計,今次係須田>珠理奈>玲奈
但係玲奈其實都唔少
所以,個人覺得夾左係6號線既須田同8號線玲奈中間既もきゅ係好慘
兩條蛇餅圍住佢
自己拉埋張簾係度hea
等到近7點9
終於到我了
我"又見面啦,不過今次係最後啦"
須"可惜呢"
我"我都覺得係呀"
須"我都好想去香港呀"
我"真係既,我好開心呀"
須"雖然唔知幾時可以去到,但係我一定會去"
我"唔"
須(我俾工作人員推走緊,伸左個頭出黎講)"所以呢,你要等我呀"
我(心情好激動地)"はい、まっていますよ"
須"bye bye"
我"bye bye"

就係咁
我將我既第一次同可能最後一次都俾左須田啦
握後感係
技術:BBQ>須田>まつりな
清潔感:まつりな>須田>BBQ
對應:須田>BBQ>まつりな
真人外貌:まつりな>須田>BBQ
態度:須田>まつりな>BBQ
總釣力:須田>BBQ>まつりな

今日到手了

就係講緊我+朋友果堆劇場盤
_DSC1439
開箱之後就見到兩pack碟同兩張納品書
_DSC1440
當然最重要既握手卷要拆左包碟先見到
萬事俱備啦
_DSC1441
劇場盤當然要有劇場盤生寫啦,我試下帶埋去日本先
_DSC1444
SKE劇場盤握手卷同AKB劇場盤握手卷既比較
兩個日子都係對我幾有意義既日子
_DSC1443
果五隻劇場盤除左預定一隻自用一隻送俾人之外
另外三隻如果有人有興趣可以嘗試聯絡下我喎

以下長文,我寫完先知我寫左咁多
基本上全部字,有興趣就慢慢睇啦!

至於尋日有comment問究竟香港人去唔去到日本既event?
我覺得呢個係好時候解釋一下
因為中文既source講日本event參加既流程係好少
所以我都明白大家對日本當地event既所知不多
當然,我都係睇同聽返黎,如果要實際參與既流程
敬請期待我十月底既report呀

日本event黎講,而家多左写メ会之後有分三類
1.全握(全國握手會)(初回盤握手會)
2.個別(個別握手會)(劇場盤握手會)
3.写メ会 

1.全握
<注意事項>

揀個最易去,冇風險既話
已確定一定去到既係全握
身邊我係識人已經去過全握
而佢亦都好enjoy
去全握,你需要既就只係初回盤,不論A/B/C盤都好
入面就有張參加卷既
<流程>
而全握,通常既流程就係mini live同埋一段成員既簡短既talk就開始握手會啦
你拎住張參加卷要點做呢?
係全握舉辦果一日去到會場,可早好遲
通常朝頭早9點開始就會將張參加卷換做mini live入場卷同握手卷
(SKE黎講,有種叫做初回握手卷,呢個後面再講)
點解可早呢,因為mini live係冇劃位既,所以早去可以霸到近舞台既位
點解又可遲呢,因為你唔駛睇mini live都可以入場既,都係到時換做握手卷就ok
<特點>
全握有幾個特點要注意
因為你係冇限定你會同邊個握手既,所以人氣member條人龍係會好長
你推既係不人氣member既,就會排得冇咁耐啦
雖然你推不人氣成員,第一點對你冇所謂
但係第二個要注意既特點係,每次全握既成員都唔同
而好多時都要臨近開始果陣先公佈成員,所以你推既成員未必會出現ga
第三點其實冇乜所謂,不過亦都要留意
AKB既全握只會得AKB既成員,SKE既亦只得SKE,NMB又淨係得NMB成員
所以,你推HKT的話,而家佢地未有single出,要同佢地握手就唔可以選擇全握啦
第四點就係全握舉行既城市相對較多,會係7個日本城市舉辦
通常黎講:
關東-東京
關西-大阪
中部-名古屋
東北-仙台
北海道-札幌
中國-廣島
九州-福岡
不過作為香港人,你直接去到既只有東京,大阪,名古屋,札幌同福岡
所以要留心地點,如果係仙台同廣島,的確可以飛去東京/大阪,不過之後程新幹線真係好貴!
而最後就係SKE既全握既特點就係有分初回握手卷同握手卷
初回握手卷同mini live卷係共通,所以睇完mini live唔好將張野掉左去
要用呢張去初回握手,初回握手係mini live完左即時既第一回握手
第一回既就係live member,通常都係比較top既member
之後二回同埋再之後就會有比較冇咁top既成員啦
點解有分初回握手卷同握手卷呢?
因為SKE比AKB唔同既一點係,AKB你係街度唔係出果幾日通常都買唔到初回盤
而AKB你買唔到初回盤就已經注定同握手會無緣
SKE呢,去到握手會現場係可以即刻買碟,但係你得到既只係握手卷
換句話講,係握到手,不過冇得睇mini live同參加初回握手啦
去到呢度我諗大家都大概明白左全握係點去啦
如果你去過,又同我所知既有出入,就記住提我改呀,要俾多d人知點樣去呀嘛

2.個別
<注意事項> 

之後第二樣我比較清楚既就係個別
我今次去試既就係個別
去個別,事前既準備就係你需要劇場盤
劇場盤買入既麻煩程度,係令到香港咁難去個別,亦都係好少聽到人買劇場盤既原因
呢張劇場盤一定要係指定地方抽選
AKB劇場盤既負責單位係chara-ani: http://akb48.chara-ani.com/
SKE劇場盤既負責單位係mu-mo: http://shop.mu-mo.net/
NMB劇場盤既負責單位係chara-ani chance:http://ch.chara-ani.com/
而抽選每次個日子就係非常留意佢幾時開始啦 
而chara-ani係25th single都仲係唔可以用信用卡俾錢而必須係貨到付款形式
令到之前除左有日本當地朋友肯幫你俾錢,因為唔係係冇可能買到既
而mu-mo就可以用credit card俾錢
第二個難題就係佢地係唔會寄去海外
所以,你需要既係一個日本既代理地址
至於用邊間代理我就不在此賣廣告啦
(*日本朋友?你成日咁樣煩住人唔係咁好喎,同埋佢幫你俾左郵費你電匯返俾佢都係錢,條數唔會爭好多,就大家保持無錢既純友誼關係啦) 
至於點樣填,你識唔識日文都好其實都應該識填
draw-20121021
入到去揀日子,揀成員,不過要留意每次抽選你可以抽既總數同埋每成員每節既數量都有唔同限制
呢個就要去到先留意啦
以上係我今次係chara-ani抽須田時既示範
因為我係一回抽選,每節每成員最多一隻,而總數最多3隻
之後就係填地址,等俾錢email叫你去俾錢確認
不過小心,你如果抽中左5隻(咁多次抽選加埋),你一係就買哂5隻,一係就唔買,冇得中左5隻買3隻咁
此時,張劇場盤應該會順利去到你手啦
呢個時候又係注意既時候啦
你去到握手會會場,你需要既係3樣野:個別握手卷,納品書,身份證明文件
呢3樣野係一環扣一環去確保訂既係你本人
因為納品書有你個名同埋你買左邊個成員既邊一節
所以要對返張握手卷同埋身份證明文件你個名
尋日位朋友最擔心既係佢可以要對地址
呢樣大可以安心,日本人既passport上係冇地址,而passport亦屬於其中一種身份證明文件
所以應該唔關地址事,日本人passport sample from wiki:
Japanese_Passport_Information_page
而且網上亦有個別握手卷放售既情況
而佢地用既身份證明文件就係兩張放售人名既cash card(唔係credit card, cash card冇錢你係用唔到的)
由此亦可以證明其實只係要對返你個名就ok
亦都因為cash card得個名,連樣地址乜都冇先要2張,所以都好肯定佢地只係要證實個名
<流程>
而個別既流程相對簡單
首先去到會場,會場係唔需要任何入場卷自出自入的
去到就係會場入口搵返你去握手成員係邊一行
而係握手卷上面有個受付終了既時間,係果個時間之前就要排隊啦
排排下,就會去到一張檯,呢個時候就係check你既身份既時候
你既身份證明文件有相的話就一樣就得,而冇相,只有個名既呢就要兩張先得
過完呢個檢查之後,下一關就係臨近入去握手既時候
會有職員check你隻手有冇介指,或者白色可疑液體(我見真係咁講的)
check過冇事就俾埋張握手卷俾個職員
之後過哂咁多關就可以同成員握手啦
入去握手到夠時間職員就會拍一拍你膊頭,呢個時候就要講byebye啦
全過過程就大概係咁
<特點>
好,點解要參加個別而唔參加全握呢
首先,個別係冇mini live既
因為參加個別未必需要全日留係果度
而且個別分開唔同節數
有d成員可能要到下晝先出現
如果一開始有mini live就令到參與下晝既fans要被迫全日留係度
而由於個別分開左唔同時間,就令到每個時段去既人數平均d
所以你排隊既時間亦都相對短d
其次AKB既個別係唯一一種係私服握手會
最重要既係握手既時間方面,全握係大概2-3秒,而個別係大概7-10秒既
而且你係預定左會同某位成員握手
所以唔駛擔心好似全握咁,自己推既成員未必會出現
就時間同對象上,個別比起全握有更大既保證
除左握手過程上有分別,場地既感覺亦都會同全握唔同
首先根據日本人既睇法,個別既人係比較正常,亦都少d小學雞既
而個別係會有會場商品發賣
而且有一大個地方俾各界人士聚集一齊交換生寫
係一個好好同其他fans交流既好機會
就好似我地香港每個月既生寫日都係大家交流下既好機會呀
就流程上,我認為個別係比較簡單,但係事前既準備比起去全握要多好多啦

3.写メ会
<注意事項> 

呢個由於太新我都唔見有好多資料
但係暫時所知既係AKB既写メ会同NMB/SKE既都有幾大差別
首先AKB既写メ会係同劇場盤大握手會一齊
至於NMB/SKE既写メ会既流程同方法就同個別差唔多
想參加NMB/SKE既写メ会可以照樣參考上面既個別果一部份
而AKB今次要參加写メ会的話,我可以講,係搞哂咁多樣麻煩野去到劇場盤握手會之後仲有野要搞
因為每一個成員一日只係600個限額
如果該成員經計算後全日都唔夠600個人同佢握手
咁就唔駛抽,直接就係握手同埋影相啦
而如果該成員全日多過600人呢
就要即時抽籤,抽中左就可以同時握手同影相
而抽唔中就只可以握手啦
而點樣計你既中獎機會呢
如果成員今日有六個節數要參加,就除6,即係每節會有100張中獎
而5個節數呢就除5,即係每節有120個人中獎,如此類推
而抽呢個籤係即抽即決定,唔駛再排過隊ga la
<流程>
而成個流程基本上就同個別一樣
唯一分別就係係check緊你既身份同時,你就要抽籤去決定你有冇得影相啦
入到去先俾你部電話職員,握完手,順便同成員溝通下等陣做個乜野姿勢
之後就企去果對腳板度,影張相,咁就完啦
<特點>
而由於AKB既写メ会係個別握手會再加埋影相呢個環節
所以場地呀,方式呀其實全部同個別一樣
只係多左影相呢個環節,其實都幾抵ga!
至於官方blog果堆咁好笑既規定同埋出黎個結果
大家都明只要唔過份違規,係冇人會理你ga
而影相果part就記住只可以用電話影呀,而且只可以影相,唔可以拍片呀
其他乜野相機都係唔得ga

有興趣既話,之後我可能講下劇場盤既策略呀

呢個weekend做資料搜集

我當年近期有好多野要做資料搜集啦
先唔講我去旅行既搜集
我睇左個別握手會既information
其實大概個別都只係得10秒時間
加上行出行入果3秒
其實實際会話時間得7秒到
問題黎啦
如果我推しメン係通常一次完賣既
由於第一次抽選每個時段淨係可以抽一張
變左最理想係三個連續時段各抽到一張
我而家就係咁
如果我知須田今次連二次完賣都做唔到
我一定第二次先抽
一次過一個時段抽三張
因為原來可以一次過出3張
時間就係30秒,減左出入果3秒有27秒
比起而家要留係幕張4個半鐘
實際我返21秒咁上下
一次過出,的確實用好多

就係諗起係咁
我4個半鐘,見得須田半分鐘
於是我又抽了
當然抽神對應人士啦
3rd_round
我唔想俾草莓妹妹敷衍我啦

HK 48G Blogger FEED
プロフィール

fatho

メッセージ

名前
メール
本文
  • ライブドアブログ