愛の一本釣り

松井珠理奈

樂見既一幕

如果係SKE既飯
應該都等左呢一刻好耐啦
CR3IGM5VAAAMI2k

兼任係3年前開始
你問我的話
小珠由幾時開始變得唔閃
就係果一刻
果一刻之前既我一直都係J>R的
係後期先倒返轉

我其實唔係算兼任反對論既飯
我只係覺得應該選擇適合既成員去兼任
當年小珠係同美優紀一齊兼任
第一刻既感覺係覺得SKE被利用左
至於之後既SKE參與度問題
睇返玲奈
其實以佢地呢一個level既成員
就算專任都其實冇乜太多時間出現
兼任只係再減少個出現時間

而小珠而家個問題
之前都提過
佢應該係時候要轉型
唔應該再係單打獨鬥呢種咁本店既風格
而係好似SKE咁群策群力咁先有機會係SKE再生
今次既SKE專任
我只係可以講係小珠係SKE挽回局面既第一步
之後仲有好多野要做 
呢件事見到既係
小珠都應該知道如果佢再係本店留落去就只有沉淪
但係好多野唔係知道就得
佢要真正重返SKE
心態係第一樣野要轉
要同唔同既成員合作
俾新人刷下出鏡率
而SKE 7D2當道既年代
小珠亦可以試下利用佢地刷下存在感
其次佢自己要做既
就係刷走而家佢果浸本店味去沾返上SKE既味道
呢樣野好難實際形容
即係表現得SKE少少
第三樣野要做既係要企返後少少
唔可以再好似以前咁理所當然企最前
自從玲奈走左之後
再睇返SKE既後生成員
先發現係好多材料
但係根本唔夠發揮既空間
變左個個都好似唔錯而冇一個人表現得夠突出
長遠要SKE再炒返起
就一定要搵過個支柱
如果小珠既角色係係後面去教下人點樣去表現自己
就係SKE需要既前輩人選

而家呢一步我基本都係睇好既
只係小珠要好好記住佢專任返SKE既原因
同埋希望佢唔好係因為想拎埋玲奈走左留低既資源而專任
希望睇到佢正確既下一步 

雖然平時佢既記事都唔係好可信

我睇到呢篇野
http://www.cyzowoman.com/2015/10/post_17525.html
同我見到既評論其實好接近
但係同時我都覺得小珠好慘
佢可能好有勢力
但係我覺得未有勢力到影響運營決定

呢首unit歌
鬍鬚佬要專登澄清同single係兩樣野
已經反映左一樣野
就係揀既成員一睇就知係運營推
同時揀左個格格不入既小珠
就俾人個感覺根本就係7人選拔既single

唔需要既
係指呢個unit唔需要小珠
我覺得呢個評論對小珠好慘之餘
同時我係好認同
第一樣野就係其他6個
除左綾巴同えご天有少少人識之外
全部既人氣同小珠都係天壤之別
到時所有宣傳既焦點只會落去小珠一個到
根本係冇推新人既效果
好似當年既走7咁
有幾多人仲記得麻友以外係邊6個人?
第二樣就係運營話係想小珠帶新人
俾新人感染下小珠既SKE愛咁話
呢個我就真係覺得超錯啦
小珠既風評唔好
我唔知其他人點諗
我覺得佢口就講最愛SKE
但係佢行動上就完全幫唔到SKE
極少出現係SKE,不論公演定係宣傳
完全感覺唔到佢group play既感覺
好似係自己做自己咁
但係所謂既SKE feel就係全力team work
以我既角度黎睇小珠一d都唔SKE
以前輩黎講,以前最好既role model係玲奈
佢可能未必真係好愛SKE,但係佢在藉時有為到SKE諗
而Team work最好既,一定係小鳥同須田
所以我真係完全唔想5-7期呢班新人變做另一個小珠

其實唔單係呢個unit
其實overall係SKE黎講
小珠都真係有d雞肋
佢人氣係高
但係佢係好個人
帶唔到成個group既人氣
佢要留係SKE,係愛SKE的話
真係要變下
當年人人討厭既玲奈到後期幾受SKE飯歡迎既原因
就係佢唔再只係為自己去努力
識關心,帶起其他成員
我覺得係小珠要改變成功既模範
如果再唔變落去
要求小珠移藉本店既聲音可能而家仲係少數
但係我都開始認同呢個諗法
無謂阻住佢發展啦 

一定係幻覺

我肯定而家係咁出post果個唔係小珠黎
尋日我見有人話隔左咁耐
珠理奈終於出post係G+
我都以為只係十年一遇既罕見事件
但係今日佢竟然一朝早出左5個
我肯定
呢個珠理奈一定係staff假扮既
一係佢跌左電話俾人亂出post
我點都唔信呢個真係小珠黎

尋晚開始無啦啦浮面
一晚就出左半年既份量
已經好流

今日仲要係出埋d九唔搭八既
一黎就早晨
呢野已經假啦
珠理奈點會咁無聊
無啦啦走出黎同你講早晨
之後3連轉發西哥生日post
小珠邊得閒周圍睇
仲要睇完轉發
冇可能啦
第5個 
仲要話你地唔係發緊夢
呢句一定係此地無銀三百兩

出post都唔緊要
仲要走埋去覆d九唔搭八既post
阿比留整舊咁既野出黎又走去覆
8ec004d8
〇出句宇又走去覆
0b175651

總之就算佢尋晚出埋相
124fwetg4351
都好難令人相信珠理奈真係會浮面囉

尋日又有新既__の仕業

今次明明ゆかぴ係度
都冇再出返好煩的仕業
今次出既係媽媽的仕業
80b3321f
真係好好聽
KII班人有冇咁多個都咁唱得呀

尋日都有有關選拔既小事兩則
首先
係下一single都未知仲有冇得入選拔既ぺんぺん
但係我覺得任何人睇完之後
會覺得如果佢落選係一件可惜既事
ぺんぺん
"對於我黎講,選拔既意思就係代表SKE成員將感覺傳達出去
每個成員都係好鍾意SKE
我當然都係
因為鍾意SKE,所以先一路咁努力
各位飯對咁樣努力緊既我地每一個成員既注意同埋一路以黎既支持
真係非常之慶幸"
一個係咁樣諗
咁樣表達出黎既成員
點會能夠捨得佢落選
78bd62da
但係聽佢呢排咁樣講
我都係覺得今單冇望啦
不過一個咁可愛既成員
一個感受到你支持緊佢既成員
希望就算因為佢落選少左出現都好
先唔好唔記得有個咁既成員
當然最好繼續支持ぺんぺん啦

第二件事就係
佢地覺得5年黎一路都係同一個center好厲害咁話
作為SKE飯
我都唔知點表達同回應好
1. 小珠做center都冇乜唔好呀
2. 我根本冇諗過有第二個有機會做center
3. 既然冇機會,咪專心支持自己推好過啦
4. 自己推做center?唔好啦,珠飯好恐怖,係玲奈thread感受過
5. 小珠先17歲ja,次世代?佢咪係囉
6. 小珠地位係聖域黎ga la,うは做小珠代打?你痴左線呀,ゆりあ做佢under?ゆりあ都未夠班
7. center負擔太重,粗重野唔好俾自己推做啦,等佢地玩得開心d我都開心d

Jyuribaby做今日焦點

我都唔明
點解今日珠理奈可以咁輕鬆就做左焦點

今日珠理奈淨係做左一樣野
就係係放置不埋左2個月既G+度出個post
話佢剪左個陰
新髮型
咁樣就係2ch個個討論
係討論佢終於出post
至於媒體
竟然都為佢剪左個髮出新聞
http://dailynews.yahoo.co.jp/fc/entertainment/akb48_sisters_unit/
仲要
有一段時間係上左熱門
dasu_blog_photo_cap2
Jyuribaby平時不論公式blog,選拔blog同G+更新率極低
平時我都唔係咁鍾意佢呢點
但係佢忙
多野做完全明白
但係我唔明就係因為佢rare少有
一更新就係新聞咩
其實今日同時
麻友都將佢個放置左係度好耐既G+都更新左
但係只係打個招呼

對我黎講
要做一個8年前既目標
"成為可以接觸得到既idol"
多更新多互動先至係正常
呢個係佢地既責任
亦係佢地其中一個可以努力既地方
我更加覺得係要每個方面都不可缺少
唔係你有idol既氣場,有歌唱舞蹈力就夠既事
肥秋一開始既重點根本放左係互動度
先成就左今日到而家都為人垢病地咁雜亂而又人氣既idol group
我唔覺真係鍾意48G既人會鍾意呢種遠離既感覺
呢個亦係當時有AKB飯去SKE條thread度嘈
最後趕佢走既理由
"AKB飯轉推SKE唔係SKE既問題,因為AKB已經唔再係接觸得到既idol,轉推SKE既先至係真正48G既飯"
佢地成日都提住一句勿忘初心
我希望SKE唔好走上AKB既後路

BTW
點解淨係須田個blog未更新banner張相既
dasu_blog_photo_cap
 

HK 48G Blogger FEED
 
 
 
 
 
 
 
 
プロフィール

fatho

My Telegram:
https://t.me/fatho0

Instagram始まった
https://www.instagram.com/fathocom

メッセージ

名前
メール
本文
月別アーカイブ
  • ライブドアブログ